Aktori i njohur dhe mjaft i dashur kosovarë Çun Lajçi para pak kohësh humbi bijës e tij të vetme e cila u gjend e vdekur në banesën e saj në lagjen Prishtine.

Vajza e vetme e aktorit, Bubulina sot do të festonte ditëlindjen e saj të 34-të, e një ditë e tillë që do të ishte festë është një ditë e dhimbshme për familjen Lajçi.

Ndërsa babi i saj, aktori Çun Lajçi përmes një postimi në llogarinë e tij në “Facebook” ka shprehur dhimbjen e madhe që po ndjen për humbjen e të bijës edhe në këtë ditë.

Postimi i tij i plotë:

Pusho me engjuj lum baba

Sa i marr e i pa shpirt ky dreq facebooku, që t’përkujton çdo ditë përvjetore e data
Po Bubë, i pamëshirshem qenka.
E hapa sot heret ket dreq,mbasi e ktheva Ninon nga livadhi, dhe sapo m’erdh kafja ne Pasarelën e platosë, ku shpesh rri e flas me kujtimet e mia.
Po ta përkujtoj m’thot,se Bubulina sot e ka ditëlindjen, i mbush 34 pranvera!
Heshta me filxhanin e kafës n’buzë.
Lotet se pyeten burrninë time, as qendresën, ato pikuan n’filxhan dhe s’di a piva lot a kafe, por e di se erdhi qeni i mahalles e m’përkëdheli, ai kuqaloshi që sot nji vit të rrinte të kamtë, këtu në kafen Omel përball.
Kuj ti shkruej thashë e ke ta uroj kur gjithçka që kisha iken bashkë me ty. Në xhepin tim mbetën shumë kujtime, pak andrra e fotot me çertifikatën e vdekjes.
S’bleva tortë, as ata qirijtë me ato dy shkronjat 3 dhe 4. Mami i djegi cigaret n’heshtje tue pi kafe, e Learti ishte tretë n’andrra. Vetëm Nino i kishte zgurdullua sytë e vegjël e priste ti ipja pak hallve që mami e pjeku për shpirtin tand mbramë.
Unë shkrova poezi për ty, n’vend t’urimit, dhe e postova bashkë me nji fotografi nga Haburgu i viteve t’randa, ku ti e qeshur rri mes çikave të kangëtarit trupvogël Luan Hajra.
Hej Bubë
Kur e postova poezinë, ky facebook i marrë m’tha:
Shenoje emnin mbi fotografi.
Unë vetem qava e shkrova:
Pusho me engjuj lum baba!

Ndryshe, aktori ka një karrierë të suksesshme dhe vazhdon të mbetet një prej artistëve të preferuar me gjenerata të tëra./Arbesh.info/